Rimmugýgur í þúsund ár

Rimmugýgur fór til Moesgaard í nágrenni Árósa í Danmörku nú í sumar þar sem við tókum þátt í bardagaæfingum vikuna 26. júlí til 30. júlí og svo bardögum helgina 31. júlí og 1. ágúst. Ferðin gekk mjög vel og var Rimmugýgur með 26 manna hóp í Moesgaard að þessu sinni sem tóku þátt í æfingum og bardögum ásamt að sinna tjaldbúðum. Með í för var kvikmyndatökumaður  að nafni Ægir Jens Guðmumdsson sem er að vinna að heimildarmynd um Rimmugýgi og víkingalífið. Á næstunni munum við birta myndskeið á vefnum sem hann hefur tekið af okkur. 

Hér er hægt að skoða myndri úr ferðinni af Facebook síðunni okkar

Kæru vinir og aðrir sem vilja fylgjast með okkur í starfi og leik. Við höfum opnað Facebook 'Skjáskinnu' síðu sem er opinn öllum sem okkur þykir vænt um og þykir vænt um okkur. Endilega kíkið þangað inn  og sendið okkur skemmtilega línu. Hér er síðan Tengill.

Rimmugýgur hélt til Reykholts í Biskupstungum yfir hvítasunnu og tóku 50 víkingar þátt í ferðinni að þessu sinni. Voru bardagar sýndir og handverk til sýnis og selt gangandi. Mikið að gestum kom í víkingabúðir Rimmugýgis þessa helgi og virti fyrir sér bardaga eða bara spjallaði við okkur og gerði sig heimakomið í víkingabúðum okkar.

Rimmugýgur heldur í víking um hvítasunnuhelgina og heldur í Reykholt í Biskupstungum. Verður settt upp víkingahátíð og öllu tjaldað til sem hægt er að tjalda til. Kaffi Klettur hefur auglýst grimmt í fjölmiðlum síðustu daga víkingahátið. Endilega kíkið á heimasíðu Kaffi Kletts hér og kynnið ykkur þennan gullfallega stað.